El Tiempo

EUSKARA

JOSE ANTONIO AGIRRE EUSKALTEGIA
Kristo Eskilara ,2
48.620 PLENTZIA
Telefonoa: 94.677.19.38 /.94.460.66.71

JENTILBASO AEK EUSKALTEGIA
Kristo Plaza, 8
48.620 PLENTZIA
Telefonoa: 94.677.36.07

Plentziako Udalak, Mankomunitatearen Euskara Zerbitzuaren bitartez, udalerriko gurasoentzako ikastaroak antolatu ditu, beste ikastaro batzuen artean (informazio gehiago Euskaltegian)

Uribe Kostan Euskara Zerbitzua zerbitzu mankomunatua da. Hots, euskarari dagozkion alor guztiak Uribe Kostako Zerbitzu Mankomunitateko Euskara Zerbitzuaren eraginpean daude. Euskara Zerbitzua 1997. urtean jaio zen. Gaur egun, Euskara Zerbitzuaren bi arloak, itzulpengintza arloa eta normalizazio arloa, 5 langilek osatzen dute: 4 teknikarik eta itzultzaile batek. Harremanetarako informazioa: euskera2@uribekosta.org

EUSKARA SUSTATZEKO KANPAINAK

Nahi Dudalako: DBHn euskaraz ikasi duten gazteek hortik aurrerako ikasketak ere (batxilergoa eta lanbide heziketa) euskaraz egitea da egitasmoaren xedea. Egitasmoaren berri emateko 6000 diptiko inguru banatu dira etxez etxe. Diptiko horietan kanpainari buruzko informazioa jasotzen duen web gunearen berri eman zaie eta web gune horretan Bizkaian D eredua eskaintzen duten ikastetxeen zerrenda ikusteko aukera izan dute gazteek. Informazio horrekin batera, hainbat sari irabazteko aukera ere izan dute web gunera sartu diren gazteek. www.nahidudalako.com
Euskara, eskaintzarik onena: Merkataritzan euskararen erabilera sustatzea da egitasmoaren helburua. Azken urteotan, egundoko ahaleginak egin dira euskararen erabilera suspertzeko eta normalizatzeko hainbat gizarte esparrutan. Horretaz jabeturik Uribe Kostako Zerbitzu Mankomunitateak merkataritza esparruan euskararen erabilera sustatzeko hainbat ekimen landu nahi ditu. Izan ere, gero eta lagun gehiagok daki euskaraz gure udalerrietan, eta merkatarientzat oso garrantzitsua da bezeroei behar bezalako harrera egitea, zalantza barik eguneroko lanean balio erantsia emango duen produktua da euskara. Gainera, euskaraz eskolatzen den ume kopurua aintzat hartuz gero, argi ikusten da etorkizuna euskaraz datorrela. Pentsa dezagun, bada, gure dendak euskaraz janzten baditugu, etorkizunera egokitzen ari garela. Ildo horretan, "EUSKARA ESKAINTZARIK ONENA" CDa prestatu dugu. CD horretan errotuluak eta bestelako agiriak euskaraz jartzeko behar den materiala eta laguntza egongo da. Klik bakarra nahikoa izango da behar dena eskuratzeko. CDak honako lau atal hauek ditu: Lanerako behar den hitza edota esaldia aurkitu ahal izango da horretarako prestatu dugun bilatzailearen laguntzaz Atal honetan establezimendurako behar den kartela inprimatu ahal izango da. Kartel egokia aurkitzen ez bada, bertan dauden orri hutsak erabil daitezke. Agiri jakin bat behar bada (faktura, albarana…), atal honetan daudenak bete eta inprimatu ahal izango dira. Aurreko ataletan behar dena aurkitzen ez bada, edota laguntza behar bada, berton adierazten da nora jo behar den Lan honen bidez gure udalerrietan euskara aise erabiltzea nahi genuke, eta aldi berean, merkatariei kalitatezko zerbitzua eskaintzen lagundu nahi diegu. Egitasmo honetan parte hartu nahi baduzue edota CD-a eskuratu nahi baduzue jo Uribe Kostako Mankomunitateko Euskara Zerbitzura eta behar dituzuen argibide guztiak emango dizkizuegu. Bestalde, CD-a web gune honetan ikusgai ere badago: http://www.azkuefundazioa.org/alkarbide/merkataritza/elebietan/ Egitasmoan parte hartuko duzuelako itxaropearekin, aldez aurretik, ESKERRIK ASKO
Kirolean euskaraz: Euskararen erabilera eskolako kirol esparruan sustatzeko sentiberatze-kanpaina da. Egitasmo honen hartzaileak, batik bat, eskolan dabiltzan eta kirol-jardueraren batean aritzen diren neska-mutilak dira (6-16 urtekoak), eta haien gurasoak. Aldi berean, udalaren kirol instalazioetako erabiltzaileek jasoko dute kanpainaren berri. Kanpainak bi motatako euskarriak dauzka: paperezkoak (posterrak, liburuxka, egutegia) eta elektronikoak (mikroweb-a, animatzeko oihuak deskargatzeko plataforma): http://www.azkuefundazioa.org/alkarbide/kirola/
Avisenac euskalduntzen! EUSKAL ABIZENAK EUSKAL GRAFIAZ Zure abizena euskal grafiaz jarri nahi duzu?: Erdarazko grafiaz idatzita dauden euskal jatorriko abizenak euskarazko grafiaz jartzea da helburua. Askotan, euskal jatorria duten deiturak gaztelaniaren ortografiarekin idatzita ikusten ditugu. Euskara orain dela urte gutxi arte ofiziala ez izatearen ondorioz gertatu da hau. Uribe Kostako Zerbitzu Mankomunitateko Euskara Zerbitzuak egoera hau ikusirik, euskal abizenak normalizatu nahi dituzten uribe kostarrak bere deiturak euskal grafiara aldatzera animatu nahi ditu.

Non aldatzen dira deiturak? Deitura-aldaketak Getxoko Erregistro Zibilak gauzatzen ditu:
GETXOKO ERREGISTRO ZIBILA
Foru kalea,10
48992 Getxo (Bizkaia)
Telefonoa 94 602 39 70
Ordutegia : 9.00etatik 14.00ak arte (astelehenetik ostiralera)
Euskaltegian matrikulatzeko kanpaina: Irailean euskaltegian matrikulatzeko epea zabalik! Aurten Plentziako Udalak eta Uribe Kostako Mankomunitateko Euskara Zerbitzuak, AEK Euskaltegiaren bitartez, honako ikastaroak eskainiko dituzte:
Aisa etorkinentzako hizkuntza-harrera ikastaroak.
Habe Gurasoentzako euskara ikastaroak.
Aurrematrikulazio kanpaina: 2-3 urteko haurren aurrematrikulazioan D eredua bultzatzeko kanpaina da. Ikastetxeen bitartez honakoak banatzen zaizkie aurten adin-tarte horretako seme-alabak dituzten gurasoei:
Esadazu euskaraz. 1-6 urteko haurren gurasoei zuzendutako kanpaina da euren seme-alaben euskalduntzerako garrantzitsuak diren hainbat aholku iradokitzeko. Ikastetxeen bitartez honakoak banatu zaizkie aurten adin-tarte horretako seme-alabak dituzten gurasoei:
- Gutuna Uribe Kostako Zerbitzu Mankomunitateko lehendakariak
- Liburuxka
- Oparia (Askari-poltsa)
Ku-Ku. 0-1 urte bitarteko seme-alabekin euskaraz hitz egiten hasteko kanpaina da hau. Ikastetxeen bitartez honakoak banatu zaizkie aurten adin-tarte horretako seme-alabak dituzten gurasoei:
- Liburuxka
- CD-a
- Oparia (Adur-zapia)
Euskarazko produktuen katalogoa. Katalogo horretan euskaraz argitaratzen diren produktu berrienen informazioa aurkitu ahal da, musika arloko produktu, informatika, bideo, DVD, liburu, komiki, jostailu eta joko edota aldizkariei buruzkoa, eta informazio guztia esku artean dela oparirik onena aukeratu ahal izango da, hizkuntza faktorea ere kontuan hartzen den bitartean. Honakoa da 0-14 urte bitarteko haurrei banatzen zaiena:
- Gutuna Uribe Kostako Zerbitzu Mankomunitateko lehendakariak sinatuta
- Katalogoa (www.katalogoa.org)

EUSKARA SUSTATZEKO EKINTZAK

Oporretan txangora: Aste Santuko oporrak gero eta hurbilago daude eta zenbait arrazoirengatik neska-mutilek ez diote mami osoa ateratzen oporraldiari: eguraldi txarra dagoelako, senitartekoek oporrik ez dutelako eta abar. Uribe Kostako Zerbitzu Mankomunitateko Euskara Zerbitzuak Euskal Herrian zehar egun bateko hiru txango proposatzen dizkie lehen hezkuntzako umeei. Ekintza euskara hutsez izango da eta honakoak izango ditu helburu: haurren artean euskararen erabilera bultzatu, haurrengan ingurunearekiko ezagutza areagotu, haurrak historia eta naturara hurbildu, gizakiaren eta naturaren arteko hartu-emanaz jabetu, herri desberdinetako errealitateaz jabetu eta gurearekin konparatu, arte-mota ezberdinak ezagutu eta ulertzen saiatu, oporraldian haurrentzako alternatiba hezitzailea sustatu, adin-tarte bereko neska-mutilen arteko harremanak bultzatu, gauza berriak ikusi eta barneratu eta noski, ondo pasatu.
Euskeraz Olgetan: Lau hilabetetan zehar (maiatza, ekaina, iraila eta urria), xede ludiko eta, aldi berean, hezitzaile batekin, aisialdiko jarduerak proposatu nahi ditugu, euskara izanik oinarria eta abiapuntua. Hilabete hauetan zehar, haurrei eta gurasoei elkarrekin euskaraz jolasteko aukera eskaini nahi zaie, astero 2 ordutan zehar, horretarako aukera ezberdinak eskainiz: jaialdiak, puzgarriak, tailerrak, jolasak, etab. Ekintza Mankomunitateko zenbait herritan eskainiko da.
PLENTZIAN. Ostegunetan, 17:30etik 19:30ak arte Astillero plazan.
Euskararen Nazioarteko Eguna (Día Internacional del Euskera): Urtero Euskararen Nazioarteko Eguna (Abenduak 3) ospatzeko hainbat ekintza antolatzen dira bai herri-mailan eta baita Sopelanako ikastetxeetan ere.
Informazio gehiagorako jaitsi
eskuorria
Uribe Kostako Mankomunitatearen Ipuin-lehiaketa (Concurso de cuentos de la Mancomunidad de Uribe kosta): Urtero Uribe Kostako Mankomunitateko Euskara Zerbitzuak urritik aurrera Ipuin Lehiaketa antolatzen du haur eta gaztetxoen euskarazko literatur-sormena sustatzeko. Aurtengoa XII.a izango da. Parte hartu ahal izango dute lehen hezkuntzako 2. eta 3. zikloko ikasleek, DBHko lehengo eta bigarren zikloko ikasleek eta 16 urtetik gorakoek.

IKASTETXEETAKO EKINTZAK

Gabonetako ekintzak: Urtero Gabonak ospatzeko ere zenbait ekintza antolatzen da herri-mailan eta ikastetxeetan ere bai.

INDARREAN DAUDEN EGITASMOAK

Begirale, zaintzaile eta eskola partikularretarako irakasle euskaldunen lan-poltsak 2009-2010: 2008ko urritik aurrera Uribe Kostako Mankomunitateko Euskara Zerbitzuak zaintzaile, begirale (aisialdi-begiraleak, kirol-begiraleak…) eta eskola partikularretarako irakasle euskaldunen lan-poltsak osatzeari ekingo zion. Zerrenda hauek osatuz joan ahala, Euskara Zerbitzuak gurasoei alde batetik, eta aisialdi, kultura eta kirol-elkarteei bestetik, lan-poltsa hauen berri emango die eta aipatutako lanbidea burutuko duen pertsonen beharra duen edonoren esku jarriko ditu zerrendok. Bitartekari lana baino ez du egingo Euskara Zerbitzuak. Hortaz, haurrak zaindu, eskola partikularrak eman edota begirale (kirol-begiralea, aisialdiko begiralea) izan nahi baduzu eta euskara badakizu izena eman ezazu lan-poltsan!
Berbalagun egitasmoa Uribe Kostan: Martxan da aurten ere Uribe Kostako Berbalagun egitasmoa eta bertan parte hartu nahi duenak zabalik du matrikulatzeko epea. Hirugarren urtez, Uribe Kostako mankomunitatean biltzen diren zazpi herrietan, euskaraz hitz egiteko ohitura dutenak eta ez dutenak elkartu nahi dira euskara praktikatzeko, hobetzeko edota plazara ateratzeko helburuarekin. Ekimen honetan, lau pertsona inguruko taldeak elkartuko dira, euskaldun zaharrak eta berriak tartekatuz. Astean ordu betez geratzea adostuko da hasieran, taldekideek beraiek, aukeratuko dutelarik non eta noiz gelditu, zer egin. Horrez gain, hilero, Berbalagunak bilduko dituzten ekintzak ere antolatuko dira, irteerak, afariak…modu honetan, euskararen harreman sareak gehiago zabalduz. Horrez gain, hilero, Berbalagunak bilduko dituzten ekintzak ere antolatuko dira, irteerak, afariak…modu honetan, euskararen harreman sareak gehiago zabalduz. Talde hauen jarraipena egiteko, arazoak konpontzeko, informazioa zabaltzeko zein zalantzak argitzeko arduradun baten laguntza izango da eta bera arduratuko da taldeen osaketaz, ekintzen antolaketaz. Iaz 80 pertsona inguruk hartu zuen parte proiektuan eta euskaraz mintzatuz, zaletasunak konpartituz eta jende berria ezagutuz, euskaraz berba egiteko gaitasuna garatu zuten. Hori dela eta, aurten, berriro martxan jartzeko premia ikusi da, eta urritik aurrera, eskualde honetako herrietan, egitasmoaren aurkezpenak izango dira Egitasmo hau Eusko Jaurlaritzak, Bizkaiko Foru Aldundiak eta Uribe Kostako mankomunitateak diruz lagunduta dago, eta Bizkaiko Urtxintxa Eskolaren eskutik kudeatzen da.
Izena emateko: Telefonoz: 605 77 35 41 (Fakun)
Posta elektronikoz: berbalagunuribekosta@hotmail.com
Ukirolak aldizkaria: Ukirolak, izenak argi uzten duen bezala, kirol-aldizkaria da, kirol-gaiak baino jorratuko ez dituena, euskaraz. Kirola, ezbairik gabe, guztiz komenigarria da bizi garen gizarte gero eta sedentarioago honetan; izan ere, gorputza bera askatzeaz gain, gogoa ere askatu egiten zaigu kirola eginez. Eta askatze hori, hizkuntza-normalkuntzaren aldetik, euskaraz egiten bada are eta hobe. Kirola ere oso atal garrantzitsua da hizkuntza-normalkuntzarako: jarduera honek ordu asko betetzen ditu komunikabideetan, gure arteko elkarrizketetan, gure aisialdian... Eta hor eragitea guztiz funtsezkoa iruditzen zaigu euskara-teknikarioi. Kirolak, gauzatu bitartean, hizkuntza-produkzio handirik ez duen arren, bai, ordea, horren inguruan sortzen diren komentarioak, albisteak, gorabeherak, ika-mikak. Ekimen honen bitartez nahi duguna da gazteek batez ere bertoko kirol-gaiak euskaraz irakurri ahal izatea; izan ere, gure eskualdeak badauka zeresanik kirolaren munduan: gero eta kirolari gehiago sortzen dira gure inguruan, eta errealitate horren isla izatea da gure asmoa, betiere euskaraz argitaratuko den aldizkari honen bitartez. Hiruhilabeteko aldizkaria da, beraz, lau argitaratzen dira urtean.
Uribe Kostako hizkuntza ondarea eta ondare etnografikoa bildu eta zabaltzeko proiektua.: Uribe Kostako Zerbitzu Mankomunitateak eta Getxoko Udalak hitzarmena izenpetu zuten 2005eko uztailaren 7an, Getxon, hizkuntzaren eta kulturaren arloko proiektu jakin bat batera eramateko aurrera. Hauxe da proiektua: Getxoko eta Uribe Kostako Zerbitzu Mankomunitateko herri guztietako hizkuntza-ondarea eta ondare etnografikoa bildu, sailkatu eta material didaktikoa sortzea*. El material creado es aplicable en el Curriculum Vasco de Educación Infantil y Primaria; y el material se presentará en soporte informático y en papel. Sortu den materiala txertagarria da Haur Hezkuntzako eta Lehen Hezkuntzako umeentzako Euskal Curriculumean; eta materiala euskarri informatikoan eta paperezkoan aurkeztuko da. Gizakien eta gizarteen ezaugarrietariko bat kultura-ondarearen belaunaldirik belaunaldiko transmisioa da. Gurasoek, seme-alabei, eurek ikasitako ohitura eta ikusmoldeak, uste-sinesmen eta jokabideak irakasten dizkiete. Baina gaur egun hori ez da bete-betean horrela, eta ahozko transmisio hori eten egin da. Hau da, lehen etxean gurasoengandik ikasten zirenak, orain eskolan irakasten dira, eta familiek betetzen duten gizarteratze-funtzioa gaur ume-eskolek egiten dute. Horren ondorioz, desagertze bidean daude mendeetan zehar herri-pentsamoldea osatu duten elementuak, eta gure arbasoengandik, gizaldiz gizaldi, naturaltasunaz hartu izan ditugunak. Galtze hori Euskal Herrian nabariagoa da; izan ere, gizarteak aldaketa-prozesu arina eta sakona bizi izan du. Jendearen bizimodua aldatu egin da erabat, bizimodu modernoak tradizionala zapaldu du, ito. Tradiziozko ogibideak, lan-prozesuak, ohiturak, sineskerak, lexikoa... mundu bat, azkenean, joan zaigu, eta zer esanik ez, hizkuntza bera. Ondare hori modu sistematikoz eta metodologikoz batu ezik, betiko galduko dugu. Gure Euskal Herri honetako benetako lekukoak joan doaz, eta eurekin daramate gure herriari nortasuna ematen dioten kultura eta hizkuntza-aberastasuna. Horregatik, bada, berandu baino lehenago, heldu egin diogu egitasmo kultural eta linguistiko honi. Halatan, ahoz bildutako materialaren ikerketaren bidez helburu nagusi hori bete ahal izango dugu: herri-jakituria eta kultura-tradizioa bildu, bere aberastasunari eutsi eta iraunarazi, ondarea landu eta azkenean belaunaldi berriei transmititu, aurrekoak izan ziren moduan ondorengoak ere, kate luzearen kate-begiak bezala, altxor horren jabe eta jagole izan daitezen.
*Oharra: Erandio eta Leioa ere, 2008 urtean, tokiko euskaldun zaharrei grabaketak egiten ari dira.

Laguntza Publikoak euskara Udal Euskaltegietan ikasteko edo hobetzeko: Plentziako Udalaren "euskara ikasleentzako beka Sistema Arautzeko Ordenantzaren" bidez araututa (BOB. 1999/04/19))

Nahitaezko betekizunak:
- Plentziako Udalerrian erroldatuta egotea ikastaroaren hasieran eta egoera horretan jarraitzea ikastaroak dirauen bitartean.
- Gutxienez ikastaroaren %90ean klasera joan izana egiaztatzea
- Plentziako Udalari ordaindu behar zaizkion zerga, tasa eta prezio publiko guztiak ordainduta izatea
Eskariak Plentziako Udaletxeko bulegoetan aurkeztea, dokumentazio honekin:
- Euskaltegiaren txostena, egindako ikastaroaren ordu kopurua eta bertan izandako parte-hartzea egiaztatuz.
- Matrikularen ordainketa-gutuna.

Plentziako Uri Udala / Ayuntamiento de la Villa de Plentzia
Plaza del Astillero, s/n 48620 Plentzia. Teléfono: + 34 94 677 32 10